YSGOLION

Yn o gystal â dylunio GIFs, mae Mwydro hefyd yn dysgu plant a phobl ifanc sut i ddylunio GIFs eu hunain drwy brosiect GIFs mewn Ysgolion.

Wedi'i ariannu'n wreiddiol trwy brosiect Llywodraeth Cymru #HacYGymraeg , bu llwyddiant ysgubol y prosiect yn golygu fy mod i bellach wedi ymestyn y prosiect tu hwnt i'r cyfnod ariannu ac mae ysgolion bellach yn gallu talu am weithdai GIFs mewn Ysgolion eu hunain.

Mae'r GIFs yn canolbwyntio ar greu darluniad i GIF hwyl a llawen o Enwau Lleoedd Cymraeg neu Idiom Cymraeg, sydd wedyn yn cael eu gosod yn y bar chwilio GIFs cyhoeddus i bawb allu eu defnyddio.

Gyda diddordeb mewn trefnu gweithdy i'ch ysgol chi? Dyma rywfaint o wybodaeth ddefnyddiol!

Wrth drefnu gweithdy, gall athrawon ddewis rhwng dau weithdy gwahanol i'w ysgol:

• Gweithdy GIFs Enwau Lleoedd Cymraeg (Wedi ei anelu at ddisgyblion Blwyddyn 5 a 6)
• Gweithdy GIFs Idiomau Cymraeg (Wedi ei anelu at ddisgyblion Blwyddyn 7, 8 a 9)

Yn y ddau gweithdy bydd y disgyblion yn cael eu harwain drwy sut i droi eu hoff Enw Lle Cymraeg neu Idiom Cymraeg yn Ddarluniad Digidol ar gyfer Sticer GIF i bawb allu ei ddefnyddio ar Instagram, TikTok, Snapchat, WhatsApp, Facebook a mwy!

Hyd y gweithdy yw 2 wers/ 2 awr i un dosbarth. Mae'r gweithdy hefyd yn cynnwys cyflwyniad i Mwydro a chwpl o gemau a gweithgareddau hwyl ynghylch ac Enwau Lleoedd Cymraeg NEU Idiomau Cymraeg a'r pwysigrwydd o'u defnyddio a'u gwarchod.

Mae ffi'r gweithdy yn cynnwys troi'r 10 darluniad gorau o'r sesiwn yn GIFs wedi'i animeiddio i bawb allu eu defnyddio. Gall ysgolion talu ffi ychwanegol fechan i animeiddio unrhyw GIFs pellach.

Y gofynion offer yw mynediad at Gyfrifiadur, Chromebook neu iPad i bawb sy'n cymryd rhan (neu un rhwng dau os ddim yn bosib), a sgrin er mwyn dangos cyflwyniad.

Gellir cynnal y gweithdy mewn person (yn Gwynedd, Conwy a Mon) neu'n rhithiol (yn unrhyw sir arall), yn Gymraeg, Saesneg neu'n Ddwyieithog.

Archebwch eich gweithdy heddiw!